Karen Baptist Convention

ၦၤကညီဘျၢထံခဝ့ၡၢၣ် ဝဲၤလီၢ် အိၣ်ဒီးမုၢ်ဆၣ်ဂီၤတၢ်ဘူၣ်သကိးဘါသကိးတၢ် ကိးနွံဒဲးန့ၣ်လီၤ. ဖဲ(၂၄.၁၁.၂ဝ၂၅)အနံၤ ၦၤဟံးန့ၢ်တၢ်ဆၢကတီၢ်မ့ၢ်ဝဲ ၦၤလၢအိၣ်ဖျဲၣ်လၢ လါနိၣ်ဝ့ဘၢၣ်တဖၣ်န့ၣ်လီၤ.ၦၤပၢၤလီၢ်ဆ့ၣ်နီၤ-သရၣ်မုၣ်ဒီးကထၢၣ်မူမုၢ်ဝါႇ တၢ်ထုကဖၣ်-သရၣ်မုၣ်အဲၣ်မုၢ်သးႇ တၢ်ကစီၣ်-သရၣ်မုၣ်အဲၣ်ဒါဖီ(ပိာ်မုၣ်ဝဲၤကျိၤ), တၢ်သးဝံၣ်ဃံာ်ခံ -သရၣ်နၢ်စိရံးႇ သရၣ်ကၠဲးဖရံၣ်လ့ႇ တၢ်ကတိၤစံးဘျုး-သရၣ်မုၣ်ရံနၢ်ဖီတဖၣ်န့ၣ်လီၤ.

ၦၤကညီဘျၢထံခဝ့ၡၢၣ် အိၣ်ဒီး ကမံးတံာ်မၤတၢ် တၢ်အိၣ်ဖှိၣ်(၆၆)ဘျီတဘျီဒီး ပၢဆှၢတၢ်ကမံးတံာ် (၂ဝ၂၅)နံၣ်တၢ်အိၣ်ဖှိၣ်(ဖဲ လါနိၣ်ဝ့ဘၢၣ်(၁၈ တုၤ ၂၁)သီႇ ၂ဝ၂၅အနံၤဖဲ ခဝ့ၡၢၣ် နံၣ်(၁ဝဝ) တၢ်စံးဘျုးတၢ်သူၣ်ထီၣ် တၢ်အိၣ်ဖှိၣ်ဒၢးန့ၣ်လီၤ. ၦၤဘၣ်မူဘၣ်ဒါလၢ ဟဲထီၣ်တၢ်အိၣ်ဖှိၣ်တဘျီအံၤမ့ၢ်ဝဲ-ကရၢခိၣ်-သရၣ်ဒိၣ် ဒီးကထၢၣ်စဲမစၢၣ်ႇ ကရၢခိၣ်စၢၤ-သရၣ်ဒိၣ်ဘံးထၢၣ်မီၣ်မီၣ်ႇ သရၣ်မုၣ်ဒိၣ်ဒီးကထၢၣ်ဖီဂီၤႇ ၦၤဟ့ၣ်ကူၣ်တၢ်တဖၣ်-သရၣ်မုၣ်ဒိၣ်ဒီးကထၢၣ် စ့လွဲၢ်ဝါႇ သရၣ်ဒိၣ်ဘ့ၢ်ချ့ႇ သရၣ်ဒီးကထၢၣ်ယံၤအ့လးႇ နဲၣ်ရွဲၣ်-သရၣ်ဒိၣ်ယွၤဒုးမူႇ နဲၣ်ရွဲၣ်သဃဲၤ-သရၣ်မုၣ်ဒိၣ်လ့ထူ(တၢ်ပၢတၢ်ဆှၢ), သရၣ်မုၣ်ဒိၣ် မၠီမၠးဖီ(တၢ်ရ့လိာ်မၤသကိး ဒီးတၢ်ဂုၤထီၣ်ပသီထီၣ်), ၦၤပၢၤစ့-သရၣ်မုၣ်ၡံထၣ်ဖီႇ ၦၤနဲၣ်တၢ်တဖၣ်ႇ ကီၢ်နဲၣ်ရွဲၣ်တဖၣ်ႇ ဝဲၤကျိၤ ၦၤပၢၤ လီၢ်ဆ့ၣ်နီၤတဖၣ်ႇ ကီၢ်ခၢၣ်စးဆူ ပၢဆှၢတၢ်ကမံးတံာ်တဖၣ်န့ၣ်လီၤ.ၦၤဟဲထီၣ်တၢ်အိၣ်ဖှိၣ်တဘျီအံၤ ခဲလၢာ်အိၣ်ဝဲ(၈၃)ဂၤန့ၣ်လီၤ.

ၦၤကညီဘျၢထံခဝ့ၡၢၣ် တၢ်သးခုကစီၣ်ဒီး မံးၡၢၣ်ဝဲၤကျိၤ အိၣ်ဒီး တၢ်မၤလိလံာ်စီဆှံခီဖျိတၢ်ကွဲး ၦဲၤထီၣ်(၃၅)နံၣ် လၢၢ်လါဟ့နံၣ်ဆၢက့ၤ တၢ်စံးဘျုး ဘၣ်တၢ်မၤအီၤဖဲ လါနိၣ်ဝ့ဘၢၣ်(၂၂)သီႇ ဂီၤ(၈း၃ဝ)ဖဲ ဝံးတူၣ်တၢ်ဘါသရိာ်ႇ အလူၢ်ဝ့ၢ်ဆၣ်ႇ ဝ့ၢ်တကူၣ်န့ၣ်လီၤ. အိၣ်ဒီးတၢ်အိးထီၣ်မူး တၢ်ရဲၣ်တၢ်ကျဲၤဘၣ်တၢ်မၤအီၤဖဲ တၢ်ဘါသရိာ်အချၢန့ၣ်လီၤ. ၦၤပၢၤလီၢ်ဆ့ၣ်နီၤ မ့ၢ်ဝဲ သရၣ်ဒိၣ်ဆၣ်မုၢ်နၤ(ကီၢ်ဒဝဲၣ်ဘျံး ၦၤနဲၣ်တၢ်), ဖးလံာ်စီဆှံ အိးထီၣ်တၢ်ထုကဖၣ်လၢ သရၣ်ဒိၣ်ဒီးကထၢၣ်အဲၣ်သီ(ကီၢ်ပယီၤဘျၢထံခဝ့ၡၢၣ်သရၣ်သမါဝဲၤကျိၤၦၤနဲၣ်တၢ်), တၢ်တံာ်တဲာ်သတိာ်ပျံၤ(၁)-သရၣ်ဒိၣ် ယွၤဒုးမူ(ၦၤကညီဘျၢထံခဝ့ၡၢၣ်နဲၣ်ရွဲၣ်), (၂)သရၣ်ဒိၣ်ဒီးကထၢၣ်သ့ရရွှ့ၣ်(ဝဲၤကျိၤၦၤပၢၤလီၢ်ဆ့ၣ်နီၤ), (၃)သရၣ်ထူကပီၤ(ဝဲၤကျိၤကမံးတံာ်), ဟ့ၣ်လီၤ ကလုၢ်တၢ်ထုကဖၣ် လၢ သရၣ်ဒိၣ်ကီၢ်ထူကၢ(ကီၢ်တီအူပကူၦၤနဲၣ်တၢ်)န့ၣ်လီၤ.တၢ်ဘူၣ်တၢ်ဘါဒီးတၢ်ဟ့ၣ်လီၤလံာ်အုၣ်သးတၢ်ရဲၣ်တၢ်ကျဲၤ(တၢ် ဘါသရိာ်အပူၤ) ၦၤပၢၤလီၢ်ဆ့ၣ်နီၤ-သရၣ်ဒီးကထၢၣ်န့ၢ်လ့အီၣ်(ဝဲၤကျိၤၦၤနဲၣ်တၢ်သဃဲၤ), တၢ်တဲဖျါတၢ်မၤလိလံာ်စီဆှံခီဖျိတၢ်ကဲွး(၃၅)နံၣ်တၢ်စံၣ် စိၤအဂ့ၢ် -သရၣ်မုၣ်ရံနၣ်ဖီ(မူဒါခိၣ်), ဖးလံာ်စီဆှံဒီးကိးထီၣ်ထါသးဝံၣ်- သရၣ်မုၣ်ဒီးကထၢၣ်ပူၤဖျဲး(KBTS. သရၣ်မုၣ်သိၣ်လိတၢ်), တၢ်ကစီၣ် ဒီးတၢ်ဟ့ၣ်ဂံၢ်ဟ့ၣ်ဘါလၢ သရၣ်ဒိၣ်စၤလမိၣ်(ကီၢ်တကူၣ်လံာ်စီဆှံကၠိ-ကၠိခိၣ်စၢၤ), တၢ်သးဝံၣ်လၢ သရၣ်အံးစဲးဝါ (KBTS. သရၣ်သိၣ်လိတၢ်) န့ၣ်လီၤ.တၢ်ကတိၤဒိၣ်ဆူၦၤလၢဒိးဘၣ် တၢ်မၤလၤကပီၤတဖၣ်-သရၣ်မုၣ်ဒိၣ်ဒီးကထၢၣ်လ့ထူ(ၦၤကညီဘျၢထံခဝ့ၡၢၣ်နဲၣ်ရွဲၣ်သဃဲၤ), တၢ်ဟ့ၣ်လီၤ လံာ်မၤလၤကပီၤ-သရၣ်ဒိၣ်ဒီးကထၢၣ်စဲမစၢၣ် (ၦၤကညီဘျၢထံခဝ့ၡၢၣ်ကရၢခိၣ်), တၢ်ဟ့ၣ်လီၤလံာ်အုၣ်သးဆူၦၤမၤလိဝံၤ တၢ်မၤလိလံာ်စီဆှံခီဖျိ တၢ်ကွဲးတဖၣ် ဒီး သရၣ်ဒိၣ်အဲးဒဝၢး(ဝဲၤကျိၤၦၤနဲၣ်တၢ်) ဟ့ၣ်လီၤလံာ်အုၣ်သးန့ၣ်လီၤ. တၢ်သးဝံၣ်မၤလၤကပီၤလၢ (The Three Sisters) တၢ်ကတိၤဆၢက့ၤလၢ ၦၤမၤလိဝံၤတဖၣ်အခၢၣ်စးလၢ နီၢ်မိန့ဆံၣ်(အလူၣ်စါခၠီတၢ်အိၣ်ဖှိၣ်ႇ ကီၢ်တကူၣ်), တၢ်ထုကဖၣ်အလၢအၦဲၤ လၢ သရၣ်ဒိၣ် ဒီးကထၢၣ်လ့ကၢၣ်ယၣ်(ပသံၣ်ဝ့ၢ်တၢ်အိၣ်ဖှိၣ်သရၣ်), တၢ်ကတိၤစံးဘျုးဒီးတၢ်ဘိးဘၣ်သ့ၣ်ညါလၢ သရၣ်ဒိၣ်အဲးဒဝၢး(ဝဲၤကျိၤၦၤနဲၣ်တၢ်), ဆိၣ် ဂ့ၤပျၢ်တၢ်လၢ သရၣ်ဒိၣ်ဒီးကထၢၣ်ၡဲကဝံန့ၣ်လီၤ.ၦၤဒိးန့ၢ်လံာ်အုၣ်သးအိၣ်ဝဲ(၆၇)ဂၤန့ၣ်လီၤ.

ၦၤကညီဘျၢထံခဝ့ၡၢၣ် နံၣ်ကယၤ(၂၁)မံးၡၢၣ်တၢ်တိာ်ကျဲၤ သၢပတီၢ်တပတီၢ် ကရူၢ်(၄)လၢအမ့ၢ် တၢ်ဃုထံၣ်န့ၢ်ကျိာ်စ့ကရူၢ်အံၤ အိၣ် ဒီး တၢ်ဆါတၢ်ၦ့ၤဖဲ လါနိၣ်ဝ့ဘၢၣ်(၂၂)သီႇ ၂ဝ၂၅အနံၤ ဖဲ၁၂၁(ဃ)အလူၣ်န့ၣ်လီၤ. တၢ်ရဲၣ်တၢ်ကျဲၤတဘျီအံၤ အိၣ်ဒီးဝဲၤကျိၤတဖၣ် ပာ်ဖှိၣ် မၤသကိး တၢ်န့ၣ်လီၤ.အိၣ်ဒီးတၢ်အီၣ်တၢ်အီအကလုာ်ကလုာ်အကျးႇ တၢ်ဒီးတၢ်လၤအကျးႇ လံာ်လဲၢ်အကျးတဖၣ်န့ၣ်လီၤ.

ၦၤကညီဘျၢထံခဝ့ၡၢၣ် နံၣ်ကယၤ(၂၁)မံးၡၢၣ်တၢ်တိာ်ကျဲၤ သၢပတီၢ်တပတီၢ် ကရူၢ်တဖၣ်အိၣ်ဒီး တၢ်ဟူးတၢ်ဂဲၤတဖၣ်န့ၣ်လီၤ. ကရူၢ်(၃)လၢအမ့ၢ် တၢ်ဒုးဆူၣ်ထီၣ်တၢ်အိၣ်ဖှိၣ်တၢ်ရဲၣ်တၢ်ကျဲၤ ကရူၢ်အံၤအိၣ်ဒီး တၢ်ဟ့ၣ်လီၤခိၣ်ဖးလၢ ကီၢ်ဝဲၤလီၢ်တဖၣ်အတၢ်သးဝံၣ် သတြီၤ''ဘျၢထံခရံာ်ဖိ တၢ်စူၢ်တၢ်နာ်အဂံၢ်ထံး'' ဘၣ်တၢ်မၤအီၤဖဲ ပၢဆှၢတၢ်ကမံးတံာ်တၢ်အိၣ်ဖှိၣ်ဝံၤ လါနိၣ်ဝ့ဘၢၣ်(၁၉)သီဟါ(၄)နၣ်ရံၣ်ႇ ၂ဝ၂၅အနံၤ ဖဲ ခဝ့ၡၢၣ်နံၣ်(၁ဝဝ)တၢ်စံးဘျုးတၢ်သူၣ်ထီၣ်တၢ်အိၣ်ဖှိၣ်ဒၢးန့ၣ်လီၤ. တၢ်ရဲၣ်တၢ်ကျဲၤအံၤ ၦၤပၢၤလီၢ်ဆ့ၣ်နီၤ-သရၣ်ဒိၣ် စၢ်ဟ့ၣ်ဂ့ၤ (ကရူၢ်ခိၣ်), တၢ်တဲဖျါတၢ်သတြီၤအဂ့ၢ်လၢ သရၣ်မုၣ်ဒီးကထၢၣ်ဂ့ၤဂ့ၤထူ(ၦၤဘၣ်မူဘၣ်ဒါ), တၢ်ဟ့ၣ်လီၤခိၣ်ဖးလၢ သရၣ်မုၣ်ဒိၣ် ဒီးကထၢၣ်လ့ထူ (နံၣ်ကယၤ(၂၁)တၢ်တိာ်ကျဲၤ သၢပတီၢ်တပတီၢ် ဖိးမံမူဒါခိၣ်), တၢ်ထုကဖၣ်ဆိၣ်ဂ့ၤပျၢ်တၢ်လၢ သရၣ်ဒိၣ်ယွၤဒုးမူ(နဲၣ်ရွဲၣ်)န့ၣ်လီၤ. ၦၤဟဲထီၣ် တၢ်ရဲၣ်တၢ်ကျဲၤ အံၤခဲလၢာ်အိၣ်ဝဲ (၈၃)ဂၤန့ၣ်လီၤ.ကီၢ်(၁၆)ဘ့ၣ်နုာ်လီၤသတြီၤသကိး ဒီး ကီၢ်လၢဒိးန့ၢ်ခိၣ်ဖးတဖၣ်မ့ၢ်ဝဲႇ ခိၣ်ဖးတၢ-ကီၢ်မၠီမၠးႇ ခိၣ်ဖးခံ-ကီၢ်ဆီထံးႇ ခိၣ်ဖးသၢ-ကီၢ်တီအူသၣ်တီၣ်ဘှဲမိၤၦၤန့ၣ်လီၤ.

ၦၤကညီဘျၢထံခဝ့ၡၢၣ် ပိာ်ခွါဝဲၤကျိၤအိၣ်ဒီး ဖှိၣ်စၢၤတၢ်မၤလိ(၉)ဘျီတဘျီ ဘၣ်တၢ်မၤအီၤဖဲ ကီၢ်ဖၣ်အၣ်မီလမၠဲၣ် ကီၢ်ဝဲၤလီၢ်ႇ စးထီၣ်လါနိၣ်ဝ့ဘၢၣ်(၁၁-၁၄)သီႇ ၂ဝ၂၅အနံၤန့ၣ်လီၤ.အိၣ်ဒီးတၢ်ကွၢ်စိလၢအမ့ၢ် -ဖှိၣ်စၢသ့ၣ်တဖၣ်ကသ့ၣ်ညါအါထီၣ် မူဒါဒီးတၢ်အိၣ်ဖှိၣ်အတၢ်ပၢတၢ်ဆှၢအဂီၢ်န့ၣ်လီၤ.တၢ်မၤလိအတၢ်တိာ်ထူ မ့ၢ်ဝဲ-''ဟံးဃာ်ဂၢၢ်ကျၢၤ ဘျၢထံခရံာ်ဖိတၢ်စူၢ်တၢ်နာ်"န့ၣ်လီၤ. တၢ်မၤလိခိၣ်တီဒီး သရၣ်သိၣ်လိတၢ်တဖၣ်မ့ၢ်ဝဲ- "ဖှိၣ်စၢၤတၢ်အိၣ်ဖှိၣ်အတၢ်ပၢတၢ်ဆှၢ"-သရၣ်မုၣ်ဒိၣ်ဒီးကထၢၣ်လ့ထူႇ "ဘျၢထံခရံာ်ဖိအတၢ်စူၢ်တၢ်နာ်ဒီး အတၢ်မူထွဲမၤထွဲ-သရၣ်ဒိၣ်ထိသါႇ ''ဖှိၣ်စၢၤမူဒါဒီးတၢ်ကဲခိၣ်ကဲနၢ်"-သရၣ်ဒိၣ်အဲၣ်ခဲလၢာ် တဖၣ်န့ၣ်လီၤ.ၦၤဟဲထီၣ်တၢ်မၤလိ ခဲလၢာ်အိၣ်ဝဲ(၁၁ဝ)ဂၤန့ၣ်လီၤ.

ၦၤကညီဘျၢထံခဝ့ၡၢၣ် ဝဲၤလီၢ် အိၣ်ဒီးမုၢ်ဆၣ်ဂီၤတၢ်ဘူၣ်သကိးဘါသကိးတၢ် ကိးနွံဒဲးဒီး ဖဲ(၁၇.၁၁.၂ဝ၂၅)အနံၤ ခရံာ်ဖိဟံၣ်ဖိဃီဖိအနွံၦၤဟံးန့ၢ်တၢ်ရဲၣ်တၢ်ကျဲၤတဖၣ်မ့ၢ်ဝဲ (couples)အိၣ်လၢ မၤသကိးတၢ်ဒီး ၦၤကညီဘျၢထံခဝ့ၡၢၣ်တဖၣ်န့ၣ်လီၤ. ၦၤပၢၤလီၢ်ဆ့ၣ်နီၤ-သရၣ်မုၣ်စ့ဘှ့ၣ်ဖီႇ တၢ်ကတိၤပာ်ဖျါဟံၣ်ဖိဃီဖိတၢ်ဆီၣ်ထဲွ တဖၣ်လၢ -သရၣ်ဒိၣ်ယွၤဒုးမူႇ သရၣ်ဒူတီႇ သရၣ်မုၣ်ဖဲလါ ဒီးသရၣ်မုၣ်ဒီးကထၢၣ်ကၠဲဘလံတဖၣ်န့ၣ်လီၤ. တၢ်ထုကဖၣ်-သရၣ်ရ့ဘိႇ တၢ်သးဝံၣ်ဆဲးတိၤ -သရၣ်မုၣ်ကဲဘျုးထူႇ ဒီးတၢ်ဆိၣ်ဂ့ၤပျၢ်-သရၣ်ဒိၣ်အဲးဒဝၢးတဖၣ်န့ၣ်လီၤ.

ၦၤကညီဘျၢထံခဝ့ၡၢၣ် ဝဲၤလီၢ် အိၣ်ဒီးမုၢ်ဆၣ်ဂီၤတၢ်ဘူၣ်သကိးဘါသကိးတၢ် ကိးနွံဒဲးန့ၣ်လီၤ. ဖဲ(၁ဝ.၁၁.၂ဝ၂၅)အနံၤ ၦၤဟံးန့ၢ်တၢ်ဆၢကတီၢ်မ့ၢ်ဝဲ ဝဲၤကျိၤ (၃)ကျိၤပာ်ဖှိၣ်လၢအမ့ၢ် ယွၤဂ့ၢ်ပီညါဝဲၤကျိၤႇ ပိာ်ခွါဝဲၤကျိၤႇ တၢ်ဘၣ်ထဲတွုၤအိၣ်လိာ်သး ဝဲၤကျိၤတဖၣ် န့ၣ်လီၤ.ၦၤပၢၤလီၢ်ဆ့ၣ်နီၤ-သရၣ်အဲၣ်ဘျုးႇ တၢ်ကစီၣ်-သရၣ်ဝ့ဘံၣ်ႇ တၢ်ထုကဖၣ်-သရၣ်မုၣ်ဒီးကထၢၣ်ဂ့ၤဂ့ၤထူႇ တၢ်သးဝံၣ်ဆဲးတိၤ -သရၣ်မုၣ်ဒီးကထၢၣ်မူမုၢ်ဝါႇ တၢ်ဆိၣ်ဂ့ၤပျၢ်-သရၣ်ဒိၣ်ယွၤဒုးမူ (ခဝ့ၡၢၣ်နဲၣ်ရွဲၣ်)တဖၣ်န့ၣ်လီၤ.

ၦၤကညီဘျၢထံခဝ့ၡၢၣ် ဝဲၤလီၢ် အိၣ်ဒီးမုၢ်ဆၣ်ဂီၤတၢ်ဘူၣ်သကိးဘါသကိးတၢ် ကိးနွံဒဲးန့ၣ်လီၤ. ဖဲ(၂.၁၁.၂ဝ၂၅)အနံၤ ၦၤဟံးန့ၢ်တၢ်ဆၢကတီၢ်မ့ၢ်ဝဲ ပိာ်မုၣ်တၢ်ရဲၣ်တၢ်ကျဲၤမူဒါခိၣ်တဖၣ်န့ၣ်လီၤ.ၦၤပၢၤလီၢ်ဆ့ၣ်နီၤ-သရၣ်မုၣ်ကဲဘျုးထူႇ တၢ်ထုကဖၣ်-သရၣ်မုၣ်ခၠိၣ်သဲႇ တၢ်ကစီၣ်-သရၣ်မုၣ်ပထြံးၡၣ်ဝါႇ တၢ်သးဝံၣ်ဆဲးတိၤ -သရၣ်မုၣ်အဲလၣ်သါတ့ၢ်ႇ သရၣ်မုၣ်ဆၢနိၣ်ႇ တၢ်ဆိၣ်ဂ့ၤပျၢ်-သရၣ်မုၣ်ဒိၣ်ဒီးကထၢၣ်သိမီတဖၣ်န့ၣ်လီၤ.

ၦၤကညီဘျၢထံခဝ့ၡၢၣ် ၦၤမၤသကိးတၢ်လၢ အိၣ်ဖျဲၣ်ထီၣ်ဖဲ လါအီးကထိဘၢၣ်တဖၣ် ဟံးန့ၢ်သကိးတၢ်ဘါတၢ်ရဲၣ်တၢ်ကျဲၤ ဖဲမုၢ်ဆၣ်ဂီၤတၢ်ဘါ (၂၇.၁ဝ.၂ဝ၂ ၅)အနံၤန့ၣ်လီၤ. ၦၤပၢၤလီၢ်ဆ့ၣ်နီၤ-သရၣ်အဲၣ်ဒိၣ်စိႇ တၢ်ထုကဖၣ်-သရၣ်မုၣ်နံထၣ်ႇ တၢ်ကစီၣ်- သရၣ်ကၠဲးစၢၣ်ကၠါႇ တၢ်သးဝံၣ်ဆဲးတိၤ -သရၣ်မုၣ်စူၣ်စဲဝ့ကၠီၣ်ႇ စီၤခုၣ်ဆဲဒီး တၢ်ဆိၣ်ဂ့ၤပျၢ်လၢ သရၣ်ဒိၣ်အဲးဒဝၢးန့ၣ်လီၤ. တၢ်ဘူၣ်တၢ်ဘါဝံၤပိာ်ထဲထွီၣ်အခံလၢ တၢ်မၤလၤကပီၤ အိၣ်ဖျဲၣ်ထီၣ်ဖဲ လါအီးကထိဘၢၣ်တဖၣ် ဒီးဘၣ်တၢ်တီခိၣ်ရိၣ်မဲအီၤလၢ သရၣ်မုၣ်စၢ်ဘျုးဝါန့ၣ်လီၤ.