Karen Baptist Convention

ၦၤကညီဘျၢထံခဝ့ၡၢၣ် သရၣ်သမါဝဲၤကျိၤ အိၣ်ဒီးသၢလါတဘျီတၢ်မၤလိ ဒီးဖဲ လါစဲပတ့ဘၢၣ်(၃)သီဟါ (၇)နၣ်ရံၣ် အိၣ်ဒီး တၢ်ဟ့ၣ်ခီဟ့ၣ်နီၤတၢ်ဘၣ်ထွဲ '' ဖိလံၤလၢ ဘၣ်လဲၤအိၣ်လၢကီၢ်ချၢတဖၣ် အတၢ်ကွၢ်ဆၢၣ်မဲာ်'' လၢဆဲးကျိးန့ၢ်တီၤန့ၣ်လီၤ. ၦၤဟ့ၣ်ခီဟ့ၣ်နီၤတၢ်မ့ၢ်ဝဲ- သရၣ်ၡံထူ ဒီး သရၣ်ကလုာ်မူ တဖၣ်န့ၣ်လီၤ. တၢ်မၤလိတဘျီအံၤ ၦၤပၢၤလီၢ်ဆ့ၣ်နီၤမ့ၢ်ဝဲ- သရၣ်ဒိၣ်စၢ်ဟ့ၣ်ဂ့ၤ (ၦၤနဲၣ်တၢ်-သရၣ်သမါဝဲၤကျိၤ) အိးထီၣ်တၢ်ရဲၣ်တၢ်ကျဲၤလၢတၢ်ထုကဖၣ်-သရၣ်မုၣ်ဒီးကထၢၣ်ဂ့ၤဂ့ၤထူ(ၦၤနဲၣ်တၢ်-တၢ်ဘၣ်ထွဲတုၤအိၣ်လိာ်သးဝဲၤကျိၤ), တၢ်ထုကဖၣ်လၢၦၤခဲလၢာ်အဂီၢ်-သရၣ်မုၣ်မၠိမၠိစၣ်(ၦၤနဲၣ်တၢ်- တၢ်ကဟုကယာ်ဒီး တၢ်ကူၣ်လိာ်တၢ်ဝဲၤကျိၤ) ဒီး တၢ်ဆိၣ်ဂ့ၤပျၢ်လၢ-သရၣ်ဒိၣ်ကွၢ်လၢ်ယိၤသးတီ (ၦၤနဲၣ်တၢ်မၤတ့ၢ်တၢ်-သရၣ်သမါဝဲၤကျိၤ) န့ၣ်လီၤ. ၦၤဟဲထီၣ်တၢ်မၤလိခဲလၢာ် (devices) အိၣ်ဝဲ (၇ဝ)ခါန့ၣ်လီၤ. တၢ်မၤလိအံၤ ဘၣ်တၢ်ပာ်ဖှိၣ်မၤသကိးတၢ်ဒီး တၢ်ကဟုကယာ်ဒီး တၢ်ကူၣ်လိာ်တၢ်ဝဲၤကျိၤန့ၣ်လီၤ.

ၦၤကညီဘျၢထံခဝ့ရှၢၣ် သရၣ်သမါဝဲၤကျိၤ အိၣ်ဒီး သၢလါတဘျီတၢ်မၤလိ ဒီးဖဲ လါမၢ်၇ှး(၃)သီႇ ၂ဝ၂၆အနံၤ အိၣ်ဒီး တၢ်ဟ့ၣ်ခီဟ့ၣ်နီၤတၢ်ဂ့ၢ်ဘၣ်ထွဲ ‘’သနၢၣ်(၉)ဘိလၢ တၢ်အိၣ်ဖှိၣ်တၢ်ဂုၤထီၣ်ပသီထီၣ်" န့ၣ်လီၤ. ၦၤပၢၤလီၢ်ဆ့ၣ်နီၤမ့ၢ်ဝဲ- သရၣ်ဒိၣ်စၢ်ဟ့ၣ်ဂ့ၤ (ၦၤနဲၣ်တၢ်ႇ သရၣ်သမါဝဲၤကျိၤ)   ၦၤသိၣ်လိတၢ်မ့ၢ်ဝဲ LIGHT WHEEL Team ဒီးတၢ်မၤလိအံၤ ဘၣ်တၢ်မၤအီၤလၢဆဲးကျိးန့ၢ်တီၤန့ၣ်လီၤ. ၦၤဟဲထီၣ် တၢ်မၤလိ(devices) ခဲလၢာ်အိၣ်ဝဲ (၅၃)ခါန့ၣ်လီၤ.

ၦၤကညီဘျၢထံခဝ့ၡၢၣ် ၦၤမၤကစၢ်ယွၤတၢ်မၤလၢ မံမုာ်လၢခရံာ်ပူၤလၢ (၂ဝ၂၅)နံၣ်

ၦၤကညီဘျၢထံခဝ့ၡၢၣ် သရၣ်သမါဝဲၤကျိၤအိၣ်ဒီးတၢ်ကတိၤလီၤဆီ တၢ်ဂ့ၢ်ဘၣ်ထွဲဒီး "တၢ်တ့တၢ်ဖျီဆၢက့ၤ", ဒီးတၢ်ရဲၣ်တၢ်ကျဲၤအံၤဘၣ်တၢ်သုးကျဲၤမၤအီၤလၢ ဆဲးကျိးန့ၢ်တီၤ ဖဲ လါဒံၢ်စ့ဘၢၣ်(၁၁)သီႇ ၂ဝ၂၅အနံၤ ဟါ(၇)နၣ်ရံၣ် န့ၣ်လီၤ. ဘၣ်တၢ်သိၣ်လိလၢ သရၣ်ဒိၣ်ဒီးကထၢၣ်ခရံာ်စတိၣ်ဖၢၣ်ဒ့(ပ.ဘ.ယ. ဖကၠိခိၣ်)န့ၣ်လီၤ. ၦၤပၢၤလီၢ်ဆ့ၣ်နီၤ-သရၣ်ဒိၣ်စၢ်ဟ့ၣ်ဂ့ၤ(ၦၤနဲၣ်တၢ်ႇ ၦၤကညီဘျၢထံခဝ့ၡၢၣ် သရၣ်သမါဝဲၤကျိၤ), တၢ်ထုကဖၣ်လၢ- သရၣ်ဒိၣ်ဒီးကထၢၣ် လ့ကယၢၣ်န့ၣ်လီၤ. ၦၤဟဲထီၣ်တၢ်မၤလိတဘျီအံၤ (devices) အိၣ်ဝဲ ၇ဝ ခါန့ၣ်လီၤ.

ၦၤကညီဘျၢထံခဝ့ၡၢၣ် အိၣ်ဒီး တၢ်ကုၢ်ဃိစီမ့ၣ်ဒီးတၢ်ခူၣ်လီၤၦၤသံ တၢ်ကတိၤခီလဲတၢ်ရဲၣ်တၢ်ကျဲၤ ဘၣ်တၢ်မၤအီၤဖဲ လါအီကူာ်(၁၄)သီႇ ၂ဝ၂၅ အနံၤ လၢ ဆဲးကျိးန့ၢ်တီၤန့ၣ်လီၤ. တၢ်ရဲၣ်တၢ်ကျဲၤအံၤ အိၣ်ဒီးတၢ်ပညိၣ်တၢ်ကွၢ်စိလၢအမ့ၢ် - မ့ၢ်ဒ်သိးပကနၢ်ပၢၢ်အါထီၣ်ထူဂ့ၢ်ယွၤကျိၤ ဘၣ်ထွဲဒီးတၢ်ခူၣ်လီၤၦၤသံအဂ့ၢ် - မ့ၢ်ဒ်သိးပကနၢ်ပၢၢ်အါထီၣ် တၢ်ကုၢ်ဃိစီမ့ၣ်ခူၣ်လီၤၦၤသံဒီး ထူဂ့ၢ်ယွၤကျိၤအတၢ်ဘၣ်ထွဲအဂ့ၢ် - မ့ၢ်ဒ်သိးၦၤကညီဘျၢထံခဝ့ၡၢၣ်ဖိလံၤတဖၣ် ကအိၣ်ဒီး တၢ်နၢ်ပၢၢ်လိ၁်သး ဘၣ်ထွဲတၢ်ခူၣ်လီၤ ဘျၢလီၤက့ၤ ၦၤသံအဂ့ၢ်န့ၣ်လီၤ. တၢ်ရဲၣ်တၢ်ကျဲၤအံၤ စးထီၣ်ဖဲ ဂီၢ်(၉းဝဝ)နၣ်ရံၣ်တုၤ ဟါ(၃းဝဝ)နၣ်ရံၣ်န့ၣ်လီၤ. ၦၤပၢၤလီၢ်ဆ့ၣ်နီၤ - သရၣ်ဒိၣ်စၢ်ဟ့ၣ်ဂ့ၤဒီး ၦၤကွဲးနီၣ်တၢ် မ့ၢ်ဝဲ သရၣ်မုၣ်ဒိၣ်ဒီးကထၢၣ်လ့ထူ (ခဝ့ၡၢၣ်နဲၣ်ရွဲၣ်သဃဲၤ တၢ်ပၢတၢ်ဆှၢ)န့ၣ်လီၤ. တၢ်ပာ်ဖျါ တၢ်ဂ့ၢ်တၢ်ကျိၤလၢတၢ်ကတိၤခီလဲ အံၤလၢ သရၣ်ဒိၣ်ယွၤဒုးမူ (ခဝ့ၡၢၣ် နဲၣ်ရွဲၣ်) ဒီး တၢ်ကတိၤနီၣ်ဝံၤခံလၢ သရၣ်ဒိၣ်ဒီးကထၢၣ်စဲမစၢၣ်(ကရၢခိၣ်)န့ၣ်လီၤ. တၢ်ဟ့ၣ်ထီၣ်ဘၣ်ထဲွ တၢ်ကုၢ်ဃိစီဒီး တၢ်ခူၣ်လီၤၦၤသံ လၢသရၣ်ဒိၣ်ခရံာ်စတိၣ်ဖၢၣ်ဒ့ (ၦၤကညီဘျၢထံ ယွၤဂ့ၢ်ပီညါဖၠၣ်စိမိၤ ကၠိခိၣ်)န့ၣ်လီၤ. အိၣ်ဒီးတၢ်နီၤဖး ကရူၢ်(၃)ကရူၢ်လၢ တၢ်ကတိၤသကိးအဂီၢ်န့ၣ်လီၤ. ကရူၢ်(၁) ကီၢ်သရၣ်သမါ နၣ်ရွဲၣ်/ၦၤနဲၣ်တၢ်တဖၣ်ႇ ကရူၢ်(၂) ကမံးတံာ်မၤတၢ်တဖၣ် ဒီး ကရူၢ်(၃)လၢအမ့ၢ် လံာ်စီဆှံကၠိသရၣ်သမါတဖၣ်န့ၣ်လီၤ. တၢ်ကတိၤခီလဲတၢ်ထၢဖှိၣ်က့ၤတၢ်ဂ့ၢ် ဘၣ်တၢ်တီခိၣ်ရိၣ်မဲလၢ သရၣ်မုၣ်ဒိၣ်မၠီမၠးဖီ(ခဝ့ၡၢၣ်နဲၣ်ရွဲၣ်သဃဲၤ -တၢ်ရ့လိာ်မၤသကိးဒီး တၢ်ဂုၤထီၣ်ပသီထီၣ်)န့ၣ်လီၤ. တၢ်ကတိၤစံးဘျုးက့ၤလၢ ခဝ့ၡၢၣ်နဲၣ်ရွဲၣ် ဝံၤ ပျၢ်က့ၤတၢ်ကတိၤခီလဲ တၢ်ရဲၣ်တၢ်ကျဲၤအံၤန့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤအံၤ လၢ(Devices) ၈၃(ခါ)န့ၣ်လီၤ.

 ဖဲ ၂၅.၂.၂ဝ၂၄ နံၤႇ ဂီၤ ၁ဝးဝဝနၣ်ရံၣ်အိၣ်ဒီး တၢ်ဟ့ၣ်တၢ်ဒိးပ၁်စုဆူ သရၣ်ကၠိစဲးခ့ဒီး သရၣ်စၢ်ဟ့ၣ်ဂ့ၤ အတၢ်ရဲၣ်တၢ်ကျဲၤန့ၣ်လီၤ. တၢ်လီၢ်တၢ်ကျဲမ့ၢ်ဖဲ ကီကီ၁်လူၢ်ခရံ၁်တၢ်အိၣ်ဖှိၣ်ႇ ငပူးတီကဝီၤႇ ကီၢ်ပသံၣ်မၠီမၠးန့ၣ်လီၤ. တၢ်ပ၁်စုတဘျီအံၤၦၤပၢၤလီၢ်ဆ့ၣ်နီၤမ့ၢ် သရၣ်ဒိၣ်ဟါကူးႇ တၢ်ကစီၣ်မ့ၢ် သရၣ်ဒိၣ်ယွၤဒုးမူ(ခဝ့ၡၢၣ်နဲၣ်ရွဲၣ်) ပ၁်စုအတၢ်ထုကဖၣ်မ့ၢ် သရၣ်ဒိၣ်ဟူဆၢ ဒီး တၢ်တဲဖျါဆ့ကၤဒိၣ်ဒီး ကိ၁်လံ၁်အဂ့ၢ် တဘျီဃီဒုးလံ၁်ထီၣ်မ့ၢ် သရၣ်ဒိၣ်ထူဝါ(ယွၣ်သ့း) န့ၣ်လီၤ. တၢ်သိၣ်လီၤသရၣ်ပ၁်စုအသီမ့ၢ် သရၣ်ဒိၣ်ထ့ခၠံး(မၢပၣ်ကမါ) တၢ်သိၣ်လီၤတၢ်အိၣ်ဖှိၣ်မ့ၢ် သရၣ်ဒိၣ်ဝ့နၢၣ်(ထီတထူၣ်) တၢ်ထုကဖၣ်ကျၢၢ်တံၢ်မ့ၢ် သရၣ်ဒိၣ်ဘ့လ့ၣ် န့ၣ်လီၤ.

ၦၤကညီဘျၢထံခဝ့ၡၢၣ်, သရၣ်သမါဝဲၤကျိၤအိၣ်ဒီး ကီၣ်ကးခီးလဲ(၂၇)ဘျီတဘျီ ဘၣ်တၢ်မၤအီၤဖဲ ပကူဝ့ၢ်သီတၢ်အိၣ်ဖှိၣ်? ကီၢ်တီအူပကူ ဖဲ လါနိၣ်ဝ့ဘၢၣ် ၁-၃ သီႇ ၂ဝ၂၃ နံၣ် န့ၣ်လီၤ. ၦၤလၢအဟ့ၣ်နီၤတၢ်သ့ၣ်တဖၣ် မ့ၢ်ဝဲ Sayama Dr. Ban Aung  ဒီးသရၣ်ဒိၣ်ဒီးကထၢၣ်ခရံ၁်စတိၣ်ဖၢၣ်ဒ့ န့ၣ်လီၤ.ၦၤသိၣ်လိလံ၁်စီဆှံမ့ၢ်ဝဲ သရၣ်ဒိၣ်စ့စီဒီး သရၣ်မုၣ်ဒီးကထၢၣ်လ့ထူန့ၣ်လီၤ. ၦၤဟဲထီၣ်တၢ်ရဲၣ်တၢ်ကျဲၤတဘျီအံၤ လၢကီၢ်(၂ဝ)ဘ့ၣ်ဒီး ၦၤဆဲးလီၤမံၤ အိၣ်ဝဲ(၁၄၅)ဂၤန့ၣ်လီၤ.

လါယူၤ ၂၅သီ မ့ၢ်ၦၤကညီဘျၢထံခဝ့ၡၢၣ်သရၣ်သမါမုၢ်နံၤဒီး ဆှၢလီၤဘၣ်ခၢၣ်စး(၂၁ဝ)ဂၤဆူ တၢ်အိၣ်ဖှိၣ်(၂ဝ၁)ဖှိၣ်လၢ တၢ်ရ့လိာ်ဒီး တၢ်ဒုးသ့ၣ်ညါသရၣ်သမါမုၢ်နံၤအဂ့ၢ်လီၤ. လါယူၤ၁သီဟါ ၇းဝဝတုၤ ၉းဝဝနၣ်ရံၣ်ကတီၢ် မၤသကိးဘၣ်တၢ်မၤလိလံာ်စီဆှံ တၢ်ရဲၣ်တၢ်ကျဲၤခီဖျိဆဲးကျိးန့ၢ်တီၤ ဒီးတၢ်ဂ့ၢ်ခိၣ်တီမ့ၢ်ဝဲ ‘‘Studying the Creation of God from Feminist Perspective ’’ န့ၣ်လီၤ. သရၣ်မုၣ်သိၣ်လိတၢ်မ့ၢ်ဝဲ သရၣ်မုၣ်ဒိၣ်ဒီးကထၢၣ်ထူထူ(KBTS)ဒီး ၦၤဟဲထီၣ်တၢ်မၤလိအိၣ်ဝဲ(၁ဝဝ)ဂၤန့ၣ်လီၤ. လါယူၤအပူၤ ထုးထီၣ်ဘၣ် ပျဲၢ်စီၢ်တၢ်ကစီၣ် ၁ဝဘ့ၣ်တဘ့ၣ်လၢ အကဲဘျုးလၢၦၤမၤယွၤအတၢ်မၤတဖၣ်ဒီး တၢ်အိၣ်ဖှိၣ်တဖၣ်အဂီၢ်လီၤ. ပျဲၢ်စီၢ်တၢ်ကစီၣ်အံၤ အိၣ်ဃုာ်ဒီး မုၢ်နံၤလီၤဆီတဖၣ်အဂီၢ်တၢ်ကစီၣ်န့ၣ်လီၤ.