Karen Baptist Convention

ကီၢ်တကူၣ် ၦၤကညီဘျၢထံခရံာ်ဖိထံလီၢ်ကီၢ်ပူၤ တၢ်အိၣ်ဖှိၣ်သကိးတၢ်အိၣ်ဖှိၣ်အိၣ်ဒီး တနံၣ်တဘျီ(သွ့ကီလါ) တၢ်အိၣ်ဖှိၣ်ဖးဒိၣ်(၁၇၂)ဘျီတဘျီ, ဘၣ်တၢ်မၤအီၤဖဲ လါမၢ်ၡး(၁၁-၁၅)သီႇ ၂ဝ၂၆နံၣ်ႇ ဖဲ ဖြဲးဘျီၣ်ရိဖှိၣ်န့ၣ်လီၤ .တၢ်တူၢ်လိာ်ဟါတၢ်ရဲၣ်တၢ်ကျဲၤ ဘၣ်တၢ်မၤအီၤဖဲ လါမၢ်ၡး(၁၁)သီဟါႇ (၂)နၣ်ရံၣ်န့ၣ်လီၤ.ပိာ်ထွဲထီၣ်အခံဒီး ကဝီၤတၢ်တူၢ်လိာ်ႇ တၢ်ဟ့ၣ်လီၤလံာ်အုၣ်သးဆူ ၦၤလၢအမၤလိဖျိထီၣ် ၦၤကညီဘျၢထံခဝ့ၡၢၣ်တၢ်မၤလိ လံာ်စီဆှံခီဖျိတၢ်ကဲွး(၈)ဂၤအတၢ်ရဲၣ်တၢ်ကျဲၤႇ ဒီး ဟါ(၆)နၣ်ရံၣ်ကတီၢ် အိၣ်ဒီး ကီၢ်ကျဲးစၢးကရၢဃံာ်လွံၢ်တၢ်သးဝံၣ် သတြီၤန့ၣ်လီၤ.အိၣ်ဒီးနဲၣ်ရွဲၣ်ႇ ဝဲၤကျိၤ(၈)ကျိၤႇ ကရၢ(၄)ခါ ဒီး ကမံးတံာ်(၁၁)ဖုတဖၣ် အတၢ်ပာ်ဖျါႇ တၢ်စံၣ်ညီၣ် အၢၣ်လီၤႇ တၢ်ဂ့ၢ်ဆှၢထီၣ်တဖၣ်န့ၣ်လီၤ. ကိးနံၤဒဲး ဟါ(၆)အဆၢကတီၢ်စ့ၢ်ကီး အိၣ်ဒီးတၢ်ရဲၣ်တၢ်ကျဲၤလီၤဆီတဖၣ်ႇ တၢ်သတြီၤတဖၣ်န့ၣ်လီၤ.တၢ်အိၣ်ဖှိၣ်တဘျီအံၤအိၣ်ဒီး တၢ်မၤလၤကပီၤ သရၣ်အဲၣ်ဒမၢၣ်ထိသါ (ကီၢ်တကူၣ် ၦၤကညီဘျၢထံခရံာ်ဖိ သူၣ်စၢ်သးဘီၣ်ကျဲးစၢးကရၢႇ နဲၣ်ရွဲၣ်)လၢ အိၣ်ဘှံးလၢ တၢ်မၤန့ၣ်လီၤ.တနံၣ်တဘျီသွ့ကီလါ တၢ်အိၣ်ဖှိၣ် တၢ်ပာ်ဖှိၣ်ဘါသကိးယွၤ ဖဲလါမၢ်ၡး(၁၅)သီ မုၢ်ဆါ(၁ဝ)နၣ်ရံၣ်အဆၢကတီၢ်န့ၣ်လီၤ. တၢ်ကစီၣ်ဘၣ်တၢ်ဟ့ၣ်ခီဟ့ၣ်နီၤအီၤလၢ သရၣ်ဒိၣ်ဒီးကထၢၣ်အဲၣ်မူဒါ(ကီၢ်ဟီကတး), တၢ်ထုကဖၣ်လၢ- သရၣ်ဒိၣ်အဲးဒဝၢး(ခဝ့ၡၢၣ်ခၢၣ်စး) ဒီး တၢ်ထုကဖၣ်ကျၢၢ်တံၢ်လၢ-သရၣ်မုၣ်ဒီးကထၢၣ်ဂ့ၤဂ့ၤထူ(ခဝ့ၡၢၣ်ခၢၣ်စး) န့ၣ်လီၤ. တၢ်အိၣ်ဖိှၣ်တဘျီအံၤ အိၣ်ဒီးတၢ်တူၢ်လိာ် ဖီတၤဆှူၣ်တၢ်အိၣ်ဖှိၣ်(တဲးကၠဲသၣ်ယၣ်ဝတံၣ်ကဝီၤ), ကွဲအ့တၢ်အိၣ်ဖှိၣ် (ကီၢ်ဖှိၣ်နီကဝီၤ), ဒ်ကီၢ်အတၢ်အိၣ်ဖှိၣ် တံၢ်နီၣ်အသိးန့ၣ်လီၤ.မ့ၢ်လၢတၢ်အိၣ်ဖှိၣ်အါထီၣ်(၂)ဖှိၣ်အဃိ ကီၢ်အတၢ်အိၣ်ဖှိၣ်ခဲလၢာ် အိၣ်ဝဲ(၃၅၄)ဖှိၣ် န့ၣ်လီၤ.ကီၢ်အံၤအိၣ်ဒီး ကဝီၤ(၁၅)ကဝီၤ လၢတၢ်ပာ်ဖှိၣ်မၤသကိးတၢ်န့ၣ်လီၤ.ကီၢ်တူၢ်လိာ်တၢ်မ့ၢ်ဝဲ ကီၢ်ဖှိၣ်နီကဝီၤ န့ၣ်လီၤ. နံၣ်လၢကဟဲ ကီၢ်လၢကတူၢ်လိာ် ကီၢ်တၢ်အိၣ်ဖှိၣ်မ့ၢ်ဝဲ- ပကိကလံၤစိးကဝီၤန့ၣ်လီၤ. တၢ်အိၣ်ဖှိၣ်တဘျီအံၤ ခၢၣ်စးလၢဟဲထီၣ် ခဲလၢာ်အိၣ်ဝဲ(၄၃ဝ)ဂၤန့ၣ်လီၤ.