Karen Baptist Convention

ကီၢ်မၠီမၠးစှီၤဘျၢထံခရံာ်ဖိတၢ်အိၣ်ဖှိၣ်သကိးတၢ်အိၣ်ဖှိၣ် အိၣ်ဒီး ကမျၢၢ်ခၢၣ်စးတၢ်အိၣ်ဖှိၣ်(၄)ဘျီတဘျီဖဲ လါမၢ်ၡး(၂၇ တုၤ ၂၉)သီႇ ၂ဝ၂၆အနံၤ လၢကီၢ်ဝဲၤလီၢ် ကမျၢကမါန့ၣ်လီၤ.တၢ်တိာ်ထူမ့ၢ်ဝဲ-''မၤစီဆှံလီၤသုသး ခဲဂီၤယွၤကမၤတၢ်လီၤလး'' ယိၤၡူ ၃း၅ န့ၣ်လီၤ.အိးထီၣ်တၢ်ရဲၣ်တၢ်ကျဲၤဖဲ (၂၇)သီ ဂီၤ(၉းဝဝ)နၣ်ရံၣ် ဒီးၦၤပၢၤလီၢ်ဆ့ၣ်နီၤ မ့ၢ်ဝဲ သရၣ်ဒိၣ်ဘၤနါဘၤဆၢ (ကီၢ်ခိၣ်)ႇ တၢ်ကစီၣ်-သရၣ်ဒိၣ်ပူၤဖျဲး(ကီၢ်ခိၣ်စၢၤ)ႇ တၢ်ထုကဖၣ်- သရၣ်မုၣ်ဒိၣ်ဒီးကထၢၣ်လီရၣ်မိ ဒီးတၢ်ဆိၣ်ဂ့ၤပျၢ်လၢ သရၣ်ဒိၣ်အဲလ်ဘၢးန့ၣ်လီၤ.ဂီၤ (၁ဝးဝဝ)နၣ်ရံၣ်တုၤဟါ (၄းဝဝ)နၣ်ရံၣ်န့ၣ်ႇ ကီၢ်ႇ ဝဲၤကျိၤတဖၣ်ႇ လံာ်စီဆှံကၠိႇ ကရၢတဖၣ်ဒီး ကဝီၤတဖၣ် ပာ်ဖျါထီၣ်အတၢ်ဖံးတၢ်မၤတဖၣ်န့ၣ်လီၤ. ဟါ(၆းဝဝ-၇း၃ဝ)နၣ်ရံၣ်န့ၣ် ကီၢ်ပိာ်မုၣ်ကရၢဟံးန့ၢ်ဟါတၢ်ဘူၣ်တၢ်ဘါတၢ်ရဲၣ်တၢ်ကျဲၤ ဝံၤ ပိာ်ထဲထွီၣ်အခံလၢ မူသးဖှံကတီၢ် ဒီးဘၣ်တၢ်သုးကျဲၤလၢ(Z-5 Music Band)န့ၣ်လီၤ.၂၈ သီဂီၤ (၇းဝဝ)နၣ်ရံၣ် စးထီၣ်လၢ တၢ်ဘါတၢ်ရဲၣ်တၢ်ကျဲၤ ဒီး ၦၤပၢၤလီၢ်ဆ့ၣ်နီၤ-သရၣ်သီဒံၣ်ထူႇ ၦၤသိၣ်လိလံာ်စီဆှံ-သရၣ်မုၣ်ကြ့းစ်လ့ၣ်(ဖုစီၤဘူးလံာ်စီဆှံကၠိ)ႇ တၢ်ထုကဖၣ်လၢ သရၣ်ဒိၣ်စ့လိၣ်ႇ တၢ်ဆိၣ်ဂ့ၤပျၢ်-သရၣ်ဒိၣ်မူဆၢထူန့ၣ်လီၤ.ဂီၤ (၁ဝးဝဝ)နၣ်ရံၣ်တုၤဟါ (၄းဝဝ)နၣ်ရံၣ်န့ၣ်ႇ ကီၢ်ႇ ဝဲၤကျိၤတဖၣ်ႇ လံာ်စီဆှံကၠိႇ ကရၢတဖၣ်ဒီး ကဝီၤတဖၣ် ပာ်ဖျါထီၣ်အတၢ်ဖံးတၢ်မၤတဖၣ်န့ၣ်လီၤ. ဟါ ၆း၃ဝ-၈းဝဝနၣ်ရံၣ် ဟါတၢ်ဘါဃုာ်ဒီးကီၢ်ဝဲၤကျိၤအတၢ်မၤလၤကပီၤဝံၤ ပိာ်ထဲထွီၣ်အသးလၢ မူသးဖှံန့ၣ်လီၤ.
လါမၢ်ၡး(၂၉)သီနံၤ ဂီၤ(၇းဝဝ)နၣ်ရံၣ်န့ၣ် ကဝီၤ(၅)သရၣ်သမါဟံးန့ၢ်မူဒါ ဒီး ၦၤပၢၤလီၢ်ဆ့ၣ်နီၤ-သရၣ်အီၣ်ထိလ့(ကဝီၤ ၅ ကဝီၤခိၣ်)ႇ တၢ်ကစီၣ်-သရၣ်ဒိၣ်တံၤမသ့းႇ တၢ်ထုကဖၣ်-သရၣ်မုၣ်ဆၢမူဖီ ဒီး တၢ်ဆိၣ်ဂ့ၤပျၢ်လၢ သရၣ်ဒိၣ်လါလ်တြီန့ၣ်လီၤ. ဂီၤ (၁ဝးဝဝ)နၣ်ရံၣ်ကီၢ်ကမျၢၢ်ခၢၣ်စးတၢ်ဘူၣ်တၢ်ဘါကတီၢ် ၦၤပၢၤလီၢ်ဆ့ၣ်နီၤ ကီၢ်ခိၣ်စၢၤ-သရၣ်ဒိၣ်ပူၤဖျဲး ႇ ကီၢ်နဲၣ်ရွဲၣ်-သရၣ်လီၢ်ဒိၣ်ထူ ဖးဖျါထီၣ်ၦၤကညီဘျၢထံခဝ့ၡၢၣ်တၢ်ဆၢဂ့ၤဆၢဝါႇ  ကီၢ်ခိၣ်-သရၣ်ဒိၣ်ဘၤနါဘၤဆၢ ကတိၤဆၢဂ့ၤဆၢဝါ ကီၢ်ဖိကီၢ်လံၤန့ၣ်လီၤ. ကီၢ်ၦၤဟ့ၣ်ကူၣ်တၢ် သရၣ်ဒိၣ်ဖြီမံးစ် ကတိၤတခုထီၣ်တၢ်မၤဘူၣ်ဝံၤ ခဝ့ၡၢၣ်နဲၣ်ရွဲၣ်သဃဲၤ-သရၣ်မုၣ်ဒိၣ်မၠီမၠးဖီ ဟ့ၣ်တၢ်ကစီၣ်န့ၣ်လီၤ.နဲၣ်ရွဲၣ်သဃဲၤ-သရၣ်သီဒံၢ်ထူ ကတိၤစံးဘျုးတၢ်ဝံၤဒီး သရၣ်ဒိၣ်ကျၢၤထူ ဃ့ဘါထုကဖၣ်တၢ်လၢ ၦၤကိးဂၤအဂီၢ် ဒီး သရၣ်ဒိၣ်ဒီးကထၢၣ်ထူခုၣ် ဆိၣ်ဂ့ၤပျၢ်တၢ်န့ၣ်လီၤ. ဖဲဟါ(၂)နၣ်ရံၣ်အကတီၢ် ကီၢ်မၠီမၠးပာ်စုကရၢ ဟံးန့ၢ်သကိးမူဒါလၢ တၢ်ပာ်စီဆှံသးဒီး ‘’ဘူၣ်သ့ၣ်နီၤ'' န့ၣ်လီၤ.တၢ်အိၣ်ဖှိၣ်တဘျီအံၤ ၦၤဟဲဆဲးလီၤအမံၤအိၣ်ဝဲ (၁၆၈)ဂၤႇ ပာ်စု(၂၃)ဂၤန့ၣ်လီၤ.