Karen Baptist Convention

ၦၤကညီဘျၢထံခဝ့ၡၢၣ်သုးကျဲၤမၤဝဲ ခိၣ်ဃၢၤန့ဆၢၣ်အမုၢ်နံၤ ဖဲ(၁၂.၆.၂ဝ၂၆)လၢ တၢ်ထံၣ်စိ ဟီၣ်ခိၣ်လီၢ်ႇ ဝနဲးခၠီန့ၣ်လီၤ.စးထီၣ်တၢ်ရဲၣ်တၢ်ကျဲၤလၢ တၢ်ဘူၣ်သကိးဘါသကိးယွၤ ဖဲ(၈)နၣ်ရံၣ်အဆၢကတီၢ်န့ၣ်လီၤ.ၦၤပၢၤလီၢ်ဆ့ၣ်နီၤမ့ၢ်ဝဲ-သရၣ်မုၣ်ဒီးကထၢၣ်ကၠဲပလံ(ၦၤနဲၣ်တၢ်ႇ ခရံာ်ဖိတၢ်မၤဂ့ၤမၤစၢၤဒီးတၢ်ဂုၤထီၣ်ပသီထီၣ်), တၢ်ကတိၤဆၢဂ့ၤဒီးတၢ်တဲဖျါထီၣ် ခိၣ်ဃၢၤန့ဆၢၣ်အမုၢ်နံၤ တၢ်ပညိၣ်လၢ -သရၣ်မုၣ်ဒိၣ်မၠီမၠးဖီ(ခဝ့ၡၢၣ်နဲၣ်ရွဲၣ်သဃဲၤႇ တၢ်ရ့လိာ်မၤသကိးဒီးတၢ်ဂုၤထီၣ်ပသီထီၣ်), တၢ်ထုကဖၣ်လၢ-သရၣ်မုၣ်ဒိၣ်ဒီးကထၢၣ်လ့ထူ(ခဝ့ၡၢၣ်နဲၣ်ရွဲၣ်သဃဲၤႇ တၢ်ပၢတၢ်ဆှၢ), တၢ်ရူးထါလၢ သရၣ်မုၣ်ဆၢန့ၢ်ဂ့ၤႇ တၢ်ဆိၣ်ဂ့ၤပျၢ်လၢ သရၣ်ဒိၣ်ယွၤဒုးမူ (ခဝ့ၡၢၣ်နဲၣ်ရွဲၣ်)န့ၣ်လီၤ.ဝံၤဒီးအိၣ်ဒီး တၢ်သူၣ်လီၤသကိး သ့ၣ်မုၢ်သ့ၣ်ဘိ ဒီး တၢ်သူၣ်တၢ်သၣ်အမုၢ်တဖၣ်န့ၣ်လီၤ. နီၣ်ဖးလီၤကရူၢ်(၃)ကရူၢ်လၢ တၢ်မၤသကိးတၢ်အဂီၢ်န့ၣ်လီၤ.ၦၤဟဲတၢ်ရဲၣ်တၢ်ကျဲၤခဲလၢာ်(၇၂)ဂၤန့ၣ်လီၤ.